09.12.2023

Wien huet d’Box un an der lëtzebuergescher Operett?

Eng Table ronde mat musikaleschen Interluden
samedis aux Théâtres . Théâtre des Capucins
Samedi aux Théâtres
Lieu Théâtre des Capucins
Langue
Op Lëtzebuergesch
Durée
environ 1h30

Samedi aux Théâtres organiséiert am Kader vun der Créatioun De Geescht oder d'Mumm Séis

Datt an den Opere vum italieenesche Barock Männer d‘Rolle vu Frae gesongen hunn, ass spéitstens säit dem Film Farinelli (1994) méi breet bekannt. Wéineg Leit awer wëssen, dass an den éischten Operette vum Dicks d’Fraerollen och nach vu Männer gesonge goufen. D’Maanskärele aus dem Veräin „Gym“, déi se deemools opgefouert hunn, wollten eben ënnert sech bleiwen… Ma wéi huet dat geklongen? Dat woe mer an engem musikaleschen Experiment, bei deem Männer d’Fraerolle sangen. Wéi anescht héiert a gesäit een d’Mumm Séis deemno wat fir ee Geschlecht se interpretéiert? A wat hält den Dicks dann iwwerhaapt vun de Fraen wéi vill Raum a Fräiraum gëtt hien hinnen?

Kaum bekannt ass och, dass déi éischt a bis haut eenzeg lëtzebuergesch Operett aus der Fieder vun enger Komponistin al Rollemuster op de Kapp stellt, wann och an anerer Form wéi beim Dicks: D’Lou Koster an hire Librettist Batty Weber bréngen 1922 déi Nei Fra, d'Garçonne vun de Roaring Twenties op d’Bün, sportlech am Maillot an An der Schwemm, a fuerdere mam Bild vum Fräischwammen am choureschem Gläichklang eng Gläichberechtegung vun de Fraen. Wat soen eis déi Operetten 200 oder 100 Joer méi spéit? Ass "sech fräischwammen" nach een Thema an enger héchst individualiséierter Gesellschaft? Ginn et iwwerhaapt nach Männer- a Fraerollen an der Musék, der Literatur an der Gesellschaft?

Interluden:

1. MUMM SÉIS: Et wor mol ee Kanonéier (ofwiesselnd falsettéiert an oktavéiert)
2. KÄTTÉI, PÉITER: Du brauchs mer näischt ze schwieren
3. HEXENTOMMES: Ech sinn ee groussen Hexemeeschter
Zugabe: KÄTTÉI, MUMM SÉIS: Mimi, Dir kritt mech net drun, T‘ass ee Gléck ké Mann ze hunn

Distribution

Modératioun
Sonja Kmec
Mat
Germaine Goetzinger, Samuel Hamen, Jeanne E. Glesener, Jonathan Kaell
Gesang
Marianne Schilling & Kevin Massinon
Piano
Claude Kraus
Konzeptioun
Danielle Roster
Organiséiert an Zesummenaarbecht mat
dem Geschichtsinstitut (IHIST) vun der Uni Lëtzebuerg & dem Conservatoire de la Ville de Luxembourg

Partager

événement suivant
Rhiannon Morgan
Rhiannon Morgan Rhiannon Morgan